Soet sestig in die herfs

ek het nou net skuld

so jammer 

so jammer
moenie bekommerd wees nie
wag vir die nag se sterreprag

as ek 'n herinnering gehad het wat kon voortleef
sou ek met my skribbels en liedjies 

iets meer mee wou gedoen het

maar wat ander kan

kan ek nie

ek hou verby

ek berus daarby

sou ek vertel het van my psigosomatiese siektes
vertel het vir die nuwe vriendin, maar sy is weg

died in her sleep

was dit covid was dit kanker, dalk haar hart

sy het net ingegee, maar ek is nog redelik sterk

Elsa wou haar kleinkind in haar arms vashou 

daar ver in die dorpie L'eau de Vie

maar haar wonde het weer aan die bloei gegaan

sy voel verwese gedaan en plat geslaan

oorsee gaan, kan sy nie

so lank soos hierdie aarde beweeg beweeg 

beweeg ons saam onder die hemel en die maan
maar gelukkige verjaardag op 7 April
brose skoonheid, die kamferfoelie, die bye
'n wolk dryf hoog bo die park 

se vroegherfs swye

Annie Reënboog is so jammer so jammer
moenie bekommer nie

wag vir die dag

wag vir 'n hondjie 

se vrolike lag

ek is beter (ek is) 

'n volgroeide lam
sal tot op honderd en sewe 

so kan aanhou lewe

tulala tulalu tulatu tula
my ma is dood 

het die klein seuntjie gehuil

so jammer so jammer 

ek is so jammer

tulala tulala

slaap sag en slaap teer

maak maar jou ogies toe 

weer 'n keer

ek sê vir jou nag 

terwyl die sterretjies 

in al hulle prag

oor jou wag

Kelderkamer, September 2022