Vir Mia
jy kon skryf
en moes nooit ophou nie maar
rustig in jou slaap
het jy die aarde verlaat
jou kat sit nog op ons stoep
vir die koue wintertuin en staar
ons honde drink nog soggens
melk uit hulle pierings
en jou boek sal aanhou orals
in mense se warm huise rondstaan
in vliegtuie saam vlieg, op bootboekrakke sit
jou poppe sal rondhang en gesels
die kruietee sal trek en ek sal aanhou skryf
en uiteindelik my boek maak van my lewe geleef
met iemand in briewe
iets wat ek nooit verwag het het gebeur
toe jy daai gewelhuis se stokou deur
agter jou toegeklap het weer en weer
jy het vir ‘n laaste keer in die Karoostof gedans
en toe in jou slaap my hart
het jy vergaan
die tee sal trek en ek sal aanhou werk
my groot boek maak
van my lewe geleef
met iemand in denke
iets wat ek nooit verwag het het gebeur
toe jy daai gewelhuis se stokou deur
agter jou toegeklap het weer en weer
ons sterf en dis hard
maar dit is 'n verligting
en jy het as vervulde vrou
jou mooie asem uitgeblaas
rus nou sag my mooie Mia
jou werk bly
‘n inspirasie
vaarwel my eie zoetelief
ek sal jou in my hart
bly dra
Met liefde
Jou Nico
🦋
© Annora Eksteen
Dis sommer uit my verhaal van Mia en Maya uit.
Hier onder, 'n paar stillewes uit my eie reis uit wat maar baie armoedig was.
Klein dingetjies. Dan die ander wonderlike dinge deesdae: warm water soms, stort, waaier, Internet en nuwe laptopskiekaia, asem, lewe, liefde vir alles dit waarvoor ek lief is en om my dae om te kry met meer rustigheid.
Soms kom foto's mooi uit:
.
🦋
© Annora Eksteen
Dis sommer uit my verhaal van Mia en Maya uit.
Hier onder, 'n paar stillewes uit my eie reis uit wat maar baie armoedig was.
Klein dingetjies. Dan die ander wonderlike dinge deesdae: warm water soms, stort, waaier, Internet en nuwe laptopskiekaia, asem, lewe, liefde vir alles dit waarvoor ek lief is en om my dae om te kry met meer rustigheid.
Geen opmerkings nie:
Plaas 'n opmerking
Let wel: Slegs 'n lid van hierdie blog mag 'n opmerking plaas.