Te laat

in Raglan Hall digby Hampstead Heath het ons gebly
wit geverf met ‘n teëlrooi dak

diep rottangstoele op die fraai skoon stoep

ek en jy was aangenaam verras met mekaar

by Muswell Hill het ons gholf gespeel

en in die Flute Restaurant was die lunch

‘n lewendige Sondag brunch

dit was net ‘n kort besigheidstrip

gou was als verby

drie jaar later is jy nog hier

maar tragedie het jou getref

ek sien jou nog by die werk 

jy lyk soms baie sterk

maar hoe genees ‘n hart 

van soveel smart

dit het een koeël gevat daai Sondagaand

jou vrou was in die kombuis

sy het haar selfoon gegryp

dit was ‘n fout

want die wrede inbreker

het haar in haar kop geskiet

jy het nie weer met my gepraat

dit was vir ons

te laat

maar dan weer

miskien nie

met tyd kom mos 

raad