oor begin
in son
sal ek met my kwas
hierdie blaaie verf
want sonder jou sout glimlag
jou voortande soet op jou onderlip
jou groot sagte borste
jou bruin tepels onder my tong
sal ek sekerlik sterf of
weer begin
in sand
waar ek jou sien: diep tevrede
waai jou hare deurmekaar
en ek vermurwe oor die stilblou strandmeer
oor tye wat sal kom en tye soos nou
en tye van meer
oor die strand oor die land
oor die sandland verteer ek
as jou lippe myne soek
waai my hare oor jou tong wanneer ons
nuut begin
in wind
en visioene
van coffeeshops en morningstreetsoene
iewers in cappuccino melkskuim
vind ek jou melodieë geneurie
teen die sagte uurglas van my rug
deurmekaar windverwaai tokkel jy my lyfkitaar
en my hart strum saam op jou liriese stem en
ons begin
in see
daar sit jy oorkant my
jou lang bene teenaan my
in die strandrestaurant hier by my
borde vol kos: vis en slaai
glase vol wyn: ys en oi
ons stil samesyn
as robbe baljaar
in die helder baai
nou
in lug
is daar die diep sekerheid
van jou skranderheid
en jou liefde
jou wonderkyk
jou kyk na my laat my smelt
en soos seeskuim
onder die tafel ingly
,
with a cheese and onion sandwich on Exeter station oi
water borrels suurlemoen kruisement oi
silver bullets avec cola tonic and bitters
oi oi oi
mens noem die mocktales oinnora
Geen opmerkings nie:
Plaas 'n opmerking
Let wel: Slegs 'n lid van hierdie blog mag 'n opmerking plaas.