en asof dit aspris is dat die kundiges my siek maak
seer maak, medikasie ingee
sonder dat ek daarvan weet
ek het al getwyfel aan hulle gesonde verstande
hulle menslikheid met hulle nuwe metodes
hulle gevaarlike behandelings
maar dan onthou ek van die kaktus
uit die dorings kom daar
die rooi blommetjies
bars my kop in seer stukke
my oë ontplof
my angs eks bang
dis ysig daar buite
en weer klap nog ‘n deur
toe in my gesig
maar dan onthou ek van die kaktus
uit die dorings kom daar
die rooi blommetjies
dis verby
dis af met die trappe
dis ondertoe
dis hier het ek afgetree
ek het gerus
dit is goed om nie gepla te word
in die ritme die tegniek van skryf nie
in marathon skryfsessies dag en nag
sal dit ooit end kry?
maar dan onthou ek van die kaktus
uit die dorings kom daar
die rooi blommetjies
brandarm was ek sewe jaar laas uit die stad uit
ek kom selde uit hierdie kelderkamer uit
maar dan onthou ek van die kaktus
uit die dorings kom daar
die rooi blommetjies
🦋
© Annora Eksteen, 2025
Geen opmerkings nie:
Plaas 'n opmerking
Let wel: Slegs 'n lid van hierdie blog mag 'n opmerking plaas.