ek sou in ’n kloktoring klim
om jou net nog ’n wyle te sien
wanneer jy regtig vertrek sal jy kom
met watersy wat tril tussen jou dye
jy sal kom na die poeletjie water by my
hier waar die duiwe so liggies drink
vir ons om ’n rukkie te sit en kyk
hoe hulle daar, so liggies drink
terwyl die dag breek om ons
sal ek vir jou water skink
sal ek ’n oomblik sit en kyk
hoe ook jy, die helder water drink
watter voël is so aan die sing
in die groen olyfboom
haas jou en sê hy moet stil wees
sy lied bring weemoed by my
jy sal my liefste wees
jy sal die een wees wat ek bemin
jy sal die dagbrekertjie wees
wat vrylik elke môre sing
🦋
© Annora Eksteen, 2025
TIENTO is ‘n verwerking van een van die gedigte uit ERFENIS UIT PERGAMON deur Louis Eksteen (1930–2001).
Dit is ‘n ongepubliseerde digbundel en gevind ná sy afsterwe.
© Eksteen-gesin
Geen opmerkings nie:
Plaas 'n opmerking
Let wel: Slegs 'n lid van hierdie blog mag 'n opmerking plaas.