Dit omvat kalmte weer vir my

dit is in die woord Vipassana
rustig raak asemhaal tel

konsentrasie op asem: in en uit
saans as ek
sukkel om

.
Vipassana: om net te wees
in die oomblik
die voetval

en ek dink net aan dit: een tree voor die ander
stap, konsentreer en daarna volg bewuswording

bewuswording van voëls of verkeersligte of die bome of
dit wat ek wil gedoen kry: konsentreer

this task in hand is worth it

to shut other things from other people out
to deal with my own tasks in my head

so stop met jou gemammie mammie
jy is so honger, daar by die robotte
ek is nie jou mammie nie
en ek ook: is honger

dit help dikwels en soms baie
om dié als net uit te sny

uiteraard altyd moeilik vir my
ek lei aan aandagafleibaarheid

en my post-trauma is nog erger
as hoe ek die traumatiese gebeure
beleef het, want nou verstaan ek

hoe erg dit was

dit was nooit gehanteer nie
en die hol grotte in my weerklink 
met skade, skade, en nog meer skade

ek is ontsettend
beskadig

ek het altyd gesukkel
want ek het grootgeword
in leer in vrees

om myself te probeer genees
was die hertraumatiserings nodig

in die hertraumatiseer die onthou
die besef van hoe verskriklik dit was

in die hertraumatisering het ek
keer op keer histeries geraak
in die begrip, die wete, en terselfdertyd
die ongeloof: is dit waar, kon dit gebeur het
hoe kan iemand so iets aan
haar eie dogtertjie doen

dan kom die berusting weer
aanvaarding, die leef daarmee
beter nou: en dit het gebeur
.
the calendar takes care of everything
but, and, yet, I had to work through it
and, still, live very private: alone
to take it tranquil, solitary

shutting people out
slowly down the Ganges

and then at last into
the bay of Bengal

Annora, iewers, een of ander tyd

🦋🌿

© Annora Eksteen, 2025