My pa se wêreld lê wyd in my

as ek langs die stroom gaan stap
sien ek vinknesse waaiend verskyn
die rivierriete weerklink van samesyn
kolgansies pliep-pliep ploep-ploep
in die kabbelende waterlyn

nou dat ek saam met die kiewiete fluit
nou dat ek die een is wat steentjies slyp
is dit in hierdie dae van my eensaamheid
dat pa se woorde weer in my sing
en die klotsende spruit vir my vrede bring

🌿

🦋

© Annora Eksteen, 2025