Vandag

so te midde van als wat in die wêreld glo aangaan
het ek in my slaap gedroom van my kat met geel oë
dat sy my orals volg en saam met my
‘n ellelange versdrama bywoon

wingerdwortels vir my dors bewussyn

groei daar iewers in die Boland 

wat ek nie ken nie, hier waar ek bly

in Gautengeleng

vandag se reën val lig oor die pienk roostuin
‘n mistroostige gedink aan gelukkige samesyn
eks bietjie moeg weer, ek word so maklik siek

ek stap langs die stroom, ek skryf nog 'n rubriek

in haar fraai vierperdekarretjie
in die landgoed se blommetuin
trippel lady Louise Alice Mary
haar oë is stip op haar duur perdjies gerig

ná virus en vuur is daar weer lig
wat oor die baai se water skuur
kom ons kyk hoe die towenaar 

reënboogstrelend oor die asberg tuur

My kelderkamer in Johannesburg, April 2021

Rusalka, 2011—2024

Delphi, Kaapstad, 2018

Tata Rosie Roos

Hallo vyf gemeenskapskatte

— een met gordelroos op haar neusie o, jinne tog