Vipassana

weet nie mooi wat dit is nie
ek hou van die woord
en ek doen maar net my eie

konsentrasie op my voeteval
my denke, asemhaal, tel

verplasing van jou denke op jou liggaam
ontspanning van my lyf

ek hou van die idee
om in myself te wees

weg te kon kom van al die opswepende saamtrekkings
hoog in emosionele gevoelens

ek het nie besef dat om gewoond te kon raak
sonder dit, al die mense, die groepe
is soos die Boeddhisme seker: die idee
om weg te kan fokus van emosionele pyn
op die eenvoud van bestaan in ‘n alleen lewe

wat seker nie iets te doen het met Vipassana-retreats nie

hulle sit so in pyn in die lyf en mediteer

en eet net chick peas en boontjies en so aan

rig hulle denke op vet weet eintlik wat

op kekerertjies, pesto, hummus en lensiesoppe

seker net weg van die probleme van die wat ook al

mense en hulle maniere kon my darem al so ontstel

maar nou sny ek maar uit: al die te veel dinge

van die mense met mikrofone en fokus op waarin ek belangstel

soos goeie boeke en nie die nuutste sosiale of vreeslike nuus nie

daar's maar baie dinge wat ek deesdae liefs vermy

oor my pts nogal ingewikkeld, angs, bipolariteit, nogal moeilik om met hierdie siektes, seker oor die kinderjareskade, ook sensitiwiteit en fynbesnaardheid

so al die opwindende daaglikse oor die media het eintlik ook maar niks met my te doen nie, eks nie hier op aarde verder om politiek en misdaad en wie weet wat in die nuus te volg nie

snaaks hoeveel vrede ek kon kry deur die nuus meestal te vermy

ek weet dit raak nogal vervelig, seg, om so te leef elke dag, maar ek moet myself maar rustig hou

en klaar ou jan blaar

diep asemhaal, retreat

maar ek moet maar my lyf beweeg

en die dinge help net tot op 'n punt toe

dan drink ek wyn en bestel McDonalds

o nee! nie meer DIT nie Annie !

en voel weer baie lekker hm

sal nog lekkerder voel

Vipassana hm, jimmel Annie

ai well, Amalathae, dis okay: dit voel vir my darem meer eerlik

Stillewe, 2025