ek het jou gevind
toe ek dit die minste verwag het
met my toon teen jou gestamp
en ek het geval oor kranse geval geval
gehoor hoe die rotsstortings gransend grol
in swiepende bergwinde het ek gevlieg
my vlerke wyd gesprei en gevoel
hoe sterk ek die arend
so op die woeste wind kan sweef
en jy het kabbelend in die reën
in die bergstroom ingerol
getol, gejol
geen mos kon om jou vergader
en jy rol altyd nader
my skittersteen
my bergkristal
Geen opmerkings nie:
Plaas 'n opmerking
Let wel: Slegs 'n lid van hierdie blog mag 'n opmerking plaas.