Bodemlose liefde

in die diepte van jou geheime wêreld
wanneer alles waserig voor my swem

is ek seker dis die eienaardige jy

wat staan by die afgrond

en my oor die rand stoot

 

hoeveel keer

moet ek hierdie paaie van vertwyfeling loop

voor ek weet dis jy

en dat jy daar is vir my

seker tot ek begin sweef het

maar weer eens in die dieptes ingeval het

 

jy met jou drome jou visioene

van coffeeshops en morningstreetsoene

 

iewers in die newelrige geselligheid

van cappuccino melkskuim vind ek myself

en jou melodieë geneurie

teen die sagte uurglas van my rug

 

maar ek wonner soms

Is jy helemal

van lotjie getik?

 

en tog

die sekerheid

van jou skranderheid

en jou liefde

 

vir my