Maanvent

ons luister na  jou sang

as die maanstrale glimlaggend

oor ons woudland hang

ons hoor jou neurie 

met kabouterkind se drom 

tom-tom-tom

so sing sy drom

wanneer die maan vol goud

skyn op ons in hierdie woud

hoor ons jou neurie 

onder bome so oud

kom gou weer terug 

op maanperd se rug

en land sag en teer 

saam met sterrestof neer

voor jy, geel ventjie, klein meneer

in die nag op weer verdwyn

met die sterrestof

wat geheimsinnig glinsterend skyn

op na jou stil ronde maan 

waar jy net voor dagbreek 

altyd weer

heen teruggaan

🦋

© Annora Eksteen, 2006

In 2011 in April — nie in towerwoude met kabouters nie,

maar darem in die berge by die Mayakamp

met perde.