ek sien haar op die rotse staan
vanmiddag net na ses
die son gooi lig op lig
oor haar roesrooi hare
kartelend oor haar geweldige boude
die massiewe vrou
waar sy uit die hoogte
‘n rob staan en dophou
ek loop om
om by haar gesig uit te kom
sy’s wasbleek met pienk wange
‘n madonna
Rembrandt, eeue gelede, en ek
ons hou van jou
massiewe vrou
Klein Brak, Desember 2005
🦋
© Annora Eksteen, 2006
Die see, 2013, jimmel ek was 52 en nou al amper 65
en oor die jare sedert 1992 het ek baie die roete
vanaf Reebok Kleinbrak toe gestap op die strand en dan daar in die
rivier-strandmeer geswem. Mooi is die Tuinroete wel beslis.
Ken dit ook al soos die palm van my hand.
Heidi, my dogter het baie mooi foto's van my geneem by die see toe ek alleen
geraak het en die ander twee volwasse en besig was reeds. En ek ook mooi foto's van haar. Lekker om so net met 'n kind vakansie te hou.
Oor sy maar 12 was toe
ek meestal in myself in verdwyn het, was dit goed dat ek en sy 'n hele paar lekker vakansies
saam kon deurbring. Toe was als weer wonderlik en die Kaap weer ihm ... Frans.
Geen opmerkings nie:
Plaas 'n opmerking
Let wel: Slegs 'n lid van hierdie blog mag 'n opmerking plaas.