sy huis was daar onder 'n geelhoutboom
wit geverf met ‘n potblou dak
‘n klavier en ook ‘n kaggelrak
beelde gemaak met liefdeshande
bietjie rof ja bietjie grof
liefdeswense onder stof
sy kom elke oggend vroeg verby
met dou wat onder haar voete gly
sy kosmosblom sy trollevrou
sy bring vir hom rooi kersiesop
en sing vir hom liedjies uit haar kop
sing dan geel kanarie
geel kanarie in jou goue hok
klink dan klink haar herinneringe
haar herinneringe aan jou
haar silwer klok
🦋
© Annora Eksteen, 2006
My vriendin van lank terug, ou Kindra, kon nie verstaan hoe die kanarie herinneringe aan haar silwer klok kan hê nie. Dalk ook 'n silwer spieëltjie.
Maar dan word die kanarie die alomteenwoordige wat alles sien en hoor en alles weet en onthou asof weerkaats in silwer en vasgelê in die kollektiewe geheue.
Kindra sê toe sy raak verveeld met my denkpaaie neergeskribbel, maar daar bestaan beslis geensins so iets soos swak stories nie. Lesers leer van kleins af om tussen die lyne te lees, hulle denkverbeelde te gebruik en om die storie verder in te kleur, te ontwikkel en diep lae te vind in als.
In Kalkbaai by Nagperd van Ouds se fave tavern innie Kaap.
Baie stories wat hy vertel het oor die standing stones wat hy aangetree het daar naby die slagvelde van Colloden. Party Afferkaners het die Skotse veraf herkomste. Soos die Berry-familie hier naby. Interessant het hy ook vertel hoe hulle daar rond getoer het en ander Berries gevind het. Dit was vir hom 'n blydskap: sy Berry-familie daar. Die Bessies van Bessiesfontein.
Geen opmerkings nie:
Plaas 'n opmerking
Let wel: Slegs 'n lid van hierdie blog mag 'n opmerking plaas.