al sou jou gees
nog oor die blougroen waters
van die aarde sweef
vir jou sal ek nooit vergeef
vir die tyd toe ons
net kinders was
vir my ouma se hartseer
my pa se bitter verdriet
my sussie se gebreekte oë
en vir van die skade
in my lyf, die letsels
van geweldige wandade
jy met jou opgefokte kinderdae
in ’n bywonershuis in die Volksrustdistrik
toe jou gek pa julle geneuk het
met sy alewige sweep, dis net
dat dit nogtans geen verskoning was
dat jy jou so moes wangedra nie
ek dink min aan jou
jy is morsig dood
jy is in 1977 al in jou graf
tog sal ek altyd onthou
dat dit nie ons skuld was
die tyd toe ons
net kinders was
🦋
© Annora Eksteen, 2006
Swellendam, 2017 toe ek nog met my
kar die Kaap bietjie bery het.
Lekker om nie meer in die minste aan
die ou misdadigers en ander flying monkeys
leute eers te dink nie.
Mind over matter beteken om my denke
op beter en interessanter, vredevolle en
interessante gedagtes te rig.
Tredici: Bekende restaurant/bakkery aan die bopunt van die dorp.
Ek het geroosterde toebroodjies en chips daar genuttig op pad
Menschen, Personen, Leute, Volk, Bevölkerung
Laat ek maar mense in stories vind.
Als anders het meestal weggeval.
Geen opmerkings nie:
Plaas 'n opmerking
Let wel: Slegs 'n lid van hierdie blog mag 'n opmerking plaas.