ek trek vandag ’n ou rok aan
’n seksie broekie en ’n blou bra
ek dog by myself: laat ek ophou kla
daar's die wind daar's die wolke
die kosmosblomme wat wieg in die lug
daar’s die lang gras en bo draai die kraaie in vlug
die vinke in palmiete daar tussen die vlei se riete
en die groot huis tussen die bloekombome
ek trek vandag ’n ou rok aan
en stap die wydse velde in
ek weet nou waar het als begin
ek weet nou waar kom ek vandaan
sal ons onsself
tog eindelik
verstaan
Geen opmerkings nie:
Plaas 'n opmerking
Let wel: Slegs 'n lid van hierdie blog mag 'n opmerking plaas.