ek luister elke oggend tuis
hoe ‘n klip praat met sy skadu
rondom die witgekalkte huis
ek sien die bloekomblare eenstemmig roer
in patrone op die fynklip van die werf
‘n windpomp gier en draai
saam met skreewiele van ‘n trekker se lawaai
hierdie durende gesprekke tussen skaduwee en blare
die korrels gruis, die dun slak in sy huis
hang in klankverbande in die lug
en ek sweef ná die bui blou reën
bokant die geelblom
bokant die sydisselstingels
verblind
geskroei van die wêreld af
🦋
© Annora Eksteen, 2025
Dialoë is ‘n verwerking van gedigte uit die digbundels ‘N FLUIT IN DIE RIET, Nasionale Boekhandel, 1963 en VERSE VAN ‘N LANDLOPER, Voortrekkerpers, 1969 asook SKUILHOEK, Perskor, 1982 deur Louis Eksteen (1930–2001).
© Eksteen-gesin
Geen opmerkings nie:
Plaas 'n opmerking
Let wel: Slegs 'n lid van hierdie blog mag 'n opmerking plaas.