die rante so pers het nag geword
die burgers tussen die berge
was al in hulle lakens aan’t rus
toe hy by sy lamp skryf
skakel die ligte af
en sonder gebaar
sonder ‘n waarsku
is die kamer skielik swart
hy vroetel in sy laai
vat-vat ‘n vuurhoutjie vas
tas na ‘n kort vetkers
en in die geel-oranje flikkering
gaan die wêreld vir hom oop
digterwordend
was hy eens jonk
en hy sien verbaas
binne hom
skiet blomme saad
en sonder gebaar
sonder ‘n waarsku
is die kamer skielik swart
hy vroetel in sy laai
vat-vat ‘n vuurhoutjie vas
tas na ‘n kort vetkers
en in die geel-oranje flikkering
gaan die wêreld vir hom oop
digterwordend
was hy eens jonk
en hy sien verbaas
binne hom
skiet blomme saad
🦋
© Annora Eksteen, 2025
EEN AAND IN VILLIERIA is ‘n verwerking van KERSVERS asook NAGSTRAAT deur Louis Eksteen (1930–2001).
Die gedigte is gepubliseer in die digbundels SKUILHOEK deur Louis Eksteen, Perskor, 1982 asook ‘N FLUIT IN DIE RIET deur Louis Eksteen, Nasionale Boekhandel, 1963.
© Eksteen-gesin
Geen opmerkings nie:
Plaas 'n opmerking
Let wel: Slegs 'n lid van hierdie blog mag 'n opmerking plaas.