verdamp
ontbind oplos weg
sterf
van ‘n krans afval
in die diepsee opgevreet
deur haaie en deur 'n kreef
veras word, gestrooi word
in wind verander
op plekke wou ek rondsweef
as ‘n spook my begeef
eensaam huil op ‘n hoop
onder ‘n heining
langs ‘n plas water
ná die reën sing
saam met ‘n paddakoor
ek wou my opkrul in ‘n koel beblaarde plek
en woorde van hoop hoor
wat deur my gedagtes strek
ek wou die pyn in my keel uitwas
met stof, met rook, met as
ek wou alleenheid
liefdeloosheid
werkloosheid
hongerte
armoede
vernedering
weg
toor
dat dít niks word
niks is
ek wou stil bly
dat alles stil en stiller word
en vir altyd stil in my
stil bly
🦋
© Annora Eksteen, 2020 – 2025
Annora, 2018
🦋
© Annora Eksteen, 2020 – 2025
Annora, 2018
Geen opmerkings nie:
Plaas 'n opmerking
Let wel: Slegs 'n lid van hierdie blog mag 'n opmerking plaas.