Gebreek

'n lang string pêrels

is geskop in die drein

geskop en geskop

met ‘n gelukkige refrein

ja, hulle sou sing en sing en sing

hoe hulle haar uitgejaag het in die reën

en die ritme van reën

kan beslis eensaam ween

en daar alleen 

loop die vrou in die straat

sy smeek vir brood 

en 'n boodskap sonder haat

so, engeltjies: vlieg op, hoog

sien: die vrou in die straat

is einde raad

vlieg hoog en sien 

die pêrels in die reën

is nou trane wat ween

maar hulle sou sing en sing en sing

dat swakkes ondergaan

en moeg en gedaan

gaan bedel in die laan

'n vriendelike woord 

kon haar opgelig het hoog

hoog tot in 

die sonnige lug

maar nou sal sy kwyn

in 'n herinnering van pyn

drywend in pyn

'n herinnering van reën

drywend in reën

‘n hartseer geween

🦋

© Annora Eksteen, 2021

The girl and the water nymph

Annora, 2010