en ruik aan my
en gooi my weg
vir later
die nagte lek my nat
my hare glad
en stoot my lig opsy
vir later
die jare bêre my
in ashope weg van die son
die winde raap my op
sekerlik vir later
seisoene gaan verby
ek word kleiner in die aarde
en ver van my
stadig gly
nat voëls
oor die water
ek ruik die stof
ek hoor die donder plof
maar ’n klip met ’n holte
bly weg
sekerlik
vir later
Louis Eksteen
Geen opmerkings nie:
Plaas 'n opmerking
Let wel: Slegs 'n lid van hierdie blog mag 'n opmerking plaas.