Koplas van die Taranta

’n mynwerker skree

ek is alleen! 

die pad na buite 

kan ek nie vind nie!

diep in die myn 

is net die stilte alom

my enigste metgesel 

’n olielamp

die mense van die grotte

skyn lanterns in die nag

die bewoners van die grotte

hang hulle lampe blinkgeel uit

hulle smartkrete van wanhoop eggo skerp

van berg tot huilende berg

ai!

🦋

© Annora Eksteen, 2025

TARANTA is ‘n verwerking van een van die gedigte uit ERFENIS UIT PERGAMON deur Louis Eksteen (1930–2001).

Dit is ‘n ongepubliseerde digbundel en gevind ná sy afsterwe.

© Eksteen-gesin